ԵՐԵՎԱՆ, ՆՈՅԵՄԲԵՐԻ 28, 24News
Երեկ գիշեր ֆրանսիական ՊՍԺ-ի երկրպագուները հարձակվել են անգլիական «Նյուքասլի» երկրպագուների վրա, երբ նրանք իրենց ժամանակն են անցկացրել փարիզյան փաբերից մեկում Չեմպիոնների լիգայի՝ նոյեմբերի 28-ին այս թիմերի միջև կայանալիք խաղից առաջ։ Armsport.am-ի փոխանցմամբ՝ այս մասին հայտնում է RMC Sport-ը։
«Նյուքասլի» երկրպագուները փորձել են պատսպարվել փաբում, երբ փարիզյան երկրպագուները նետել են աթոռներ, սեղաններ և ծխային ռումբեր: Տուժածների առկայության մասին տվյալներ առայժմ չկան։ Ընդգծվում է, որ ստեղծված իրավիճակից ելնելով, անվտանգությունն ապահովելու նպատակով Փարիզի փաբերի սեփականատերերին հանձնարարվել է ավելի վաղ փակել իրենց հաստատությունները։
Հիշեցնենք, որ ՊՍԺ-ն «Պարկ դե Պրենս» մարզադաշտում կխաղա «Նյուքասլի» հետ։ Հանդիպումը կմեկնարկի ժամը 00:00-ին:
--00—ԼՀ