ԱՄՆ նախագահ Դոնալդ Թրամփը մաքսատուրքեր է սահմանում Կանադայից, Մեքսիկայից և Չինաստանից ներկրվող ապրանքների վրա։
Այդ կապակցությամբ Սպիտակ տունը հատուկ հայտարարություն է տարածել:
Անօրինական ներգաղթյալների և թմրանյութերի, ներառյալ մահացու ֆենտանիլից եկող ծայրահեղ սպառնալիքը ազգային արտակարգ իրավիճակ է ստեղծել, ասվում է Սպիտակ տան հայտարարության մեջ:
Քանի դեռ սահմանային ճգնաժամը չի թուլացել, նախագահը լրացուցիչ 25% մաքսատուրք է սահմանում Կանադայից և Մեքսիկայից ներմուծվող ապրանքների համար, իսկ 10% լրացուցիչ մաքսատուրք՝ Չինաստանից ներմուծման համար։ Կանադայից ստացվող էներգիան կունենա 10 տոկոս ավելի ցածր սակագին։
Նախագահ Թրամփը քայլեր է ձեռնարկում՝ ստիպելու Մեքսիկային, Կանադային և Չինաստանին կատարել իրենց խոստումները՝ դադարեցնելու անօրինական ներգաղթը և թունավոր ֆենտանիլի և այլ դեղամիջոցների հոսքը Միացյալ Նահանգներ, ասվում է Սպիտակ տան հայտարարության մեջ։