ԵՐԵՎԱՆ, ՓԵՏՐՎԱՐԻ 1, 24News
Մեծ Բրիտանիայի թագավոր Չարլզ III-ը վավերագրական ֆիլմում է նկարահանվում ամերիկյան Amazon ընկերության սթրիմինգ ծառայության համար։ Ինչպես հայտնել է Նորին Մեծությանը մոտ կանգնած աղբյուրը The Times թերթին, ֆիլմը նվիրված է լինելու միապետի բարեգործական և բնապահպանական նախաձեռնություններին։
Հրատարակության աղբյուրի համաձայն՝ նկարահանումները սկսվել են հունվարին Շոտլանդիայի արևմուտքում՝ Չարլզ III-ի սիրելի նստավայրում՝ Դամֆրիզ Հաուսում, իսկ պրեմիերան նախատեսված է հաջորդ տարի։
Նախկինում միապետի մասնակցությամբ վավերագրական ֆիլմերը նկարահանվում էին միայն BBC-ի և ITV-ի կողմից:
--00—ՅՄ