ԵՐԵՎԱՆ, ՓԵՏՐՎԱՐԻ 4, 24News
Ըստ մամուլում տարածված տեղեկատվության, Արթիկ խոշորացված համայնքի իշխանությունը պատրաստվում է ապամոնտաժել Հայրենական մեծ պատերազմում զոհվածների հիշատակին նվիրված հուշարձանը՝ իբր վերականգնելու նպատակով: 24News-ի հետ զրույցում Անանիկ Ոսկանյանը, սակայն, հերքեց տեղեկատվությունը:
«Նման բան մեր օրակարգում չկա: Չնայած նրան, որ հուշարձանը խոնարհված վիճակում է, այդուհանդերձ այդ հարցը հանրային քննարկման թեմա է: Եթե որոշենք վերականգնման աշխատանքներ իրականացնել, ապա հանրային լսումներ կիրականացվի, ժողովուրդը ինչպես կորոշի` այնպես էլ կանենք».- ասաց Ոսկանյանը:
Նշենք նաև, որ Հայրենական երկրորդ պատերազմում զոհվածների հիշատակին տեղադրված հուշարձանը Արթիկ համայնքում դրվել է 1950-ական թվականներին:
Մերի Մանուկյան