ԵՐԵՎԱՆ, ԱՊՐԻԼԻ 6, 24News
Երեկ անհայտ անձը բարիկադավորվել է Օտտավայում Կանադայի խորհրդարանի շենքում։ Միջադեպի հետևանքով զոհերի և տուժածների մասին տեղեկություններ չկան, հայտնել են քաղաքի ոստիկանությունից։
«Սպաները դեպքի վայրում են, տղամարդը բարիկադավորվել է Արևելյան բլոկում (խորհրդարանի - խմբ.): Արևելյան թևը տարհանվել է: Այս պահին տուժածների մասին տեղեկություններ չկան, և ոստիկանությունը շարունակում է աշխատել», - ասվում է Օտտավայի ոստիկանության X սոցիալական ցանցում հրապարակված գրառման մեջ:
Հայտարարության մեջ ոստիկանությունը կոչ է արել քաղաքի բնակիչներին խուսափել դեպքի վայր այցելելուց:
Արդեն այսօր, Օտտավայի ոստիկանությունը հայտարարել է տղամարդու ձերբակալության մասին։ «Տղամարդը ձերբակալված է», - ասվում է X սոցիալական ցանցում հաղորդագրության մեջ։
Ոստիկանությունը նաև հայտնել է, որ միջադեպի հետաքննություն է ընթանում:
--00—ՅՄ