ԵՐԵՎԱՆ, ԴԵԿՏԵՄԲԵՐԻ 18, 24News
Երեկ՝ դեկտեմբերի 17-ին, ավտովթար է տեղի ունեցել Երևանում: Ժամը 23:15-ի սահմաններում Իսակովի պողոտա և Ա. Բաբաջանյան փողոցի խաչմերուկում բախվել են Արմավիրի մարզի բնակիչ 26-ամյա Արթուր Ս.-ի վարած «Opel» մակնիշի, Երևանի բնակիչ 34-ամյա Վարդան Գ.-ի վարած «Nissan Teana» մակնիշի և Արմավիրի մարզի բնակիչ 54-ամյա Պողոս Խ.-ի վարած «Nissan Tida» մակնիշի ավտոմեքենաները:
Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով Պողոս Խ.-ն մարմնական վնասվածքներով բուժօգնության է տեղափոխվել «Աստղիկ» բժշկական կենտրոն:
Վարորդներին և վիրավորներին առաջինը օգնության են հասել քաղաքացիները, ապա ժամանած ՀՀ ներքին գործերի նախարարության փրկարար ծառայության Երևանի թիվ 1-ին հրշեջ-փրկարարական ջոկատի փրկարարները:
Փրկարարներն այնուհետև հոսանքազրկել են ավտոմեքենաները, տեղում իրականացրել հերթապահություն:
Բախման հետևանքով «Nissan»-ներից մեկը հայտնվել է բնակչի հողամասում՝ մասամբ կախված վիճակում:
Առավել մանրամասն՝ սկզբնաղբյուր կայքում։
--00—ԼՀ